Muqdisho,(insidesomalia.org)-Waxaa maalmahan lagu arkayaa dhamaan saraakiisha Milatariga dalka Itoobiya iyo diplomaasiyiintooda xafiiska Ra,isul Wasaare Nuur Cadde, iyagoo la wada abaabulada lana sameynaya qorshooyinka.

Wariyeyaal halkaasi gaaray ayaa inoo sheegay in Xukuumadda Itoobiya ay muuqato in ay la safan tahay siyaasadda Nuur Cadde, isla markaana ay si toos ah u diidan yihiin Madaxweyne Yuusuf iyo Max'ed Dheere.

Xukuumadda Nuur Cadde oo leh shacbiyad ballaaran ayay ku taageersan yihin Saraakiisha Itoobiyaanka isbadalka uu ka sameeynayo Maamulka Gobolka Banaadir iyo heshiisyada soo afjari karaya joogitaankooda Dalka Soomaaliya.

Warar lagu kalsoon yahay ayaa sheegaya in Diplomaasiyiin sar sare oo Itoobiyaan ah ay qeyb weyn ku lahaayeen Magacaabista dhaqsida aheyd ee xubnaha wasiirada, kadib marki ay is casileen wasiiro kale oo katirsanaa xukuumadda Nuur Cadde.